हेटौंडाः बामगती प्रदेशको नयाँ मुख्यमन्त्रीमा नेपाली कांग्रेस बागमती प्रदेश संसदीय दलको नेता इन्द्र बहादुर बानियाँ आउने सम्भावना बढेको छ ।
सत्तारुढ गठबन्धनभित्र प्रदेश–१ र बागमती प्रदेशमा सत्ता बाँडफाँटसम्बन्धी छलफल शुरु भएको र छिट्टै निर्णयमा पुग्ने सम्भावना बढेको हो । प्रदेश–१ मा एमालेबाट विभाजित दल नेकपा (एकीकृत समाजवादी) र बागमती प्रदेशको मुख्यमन्त्री नेपाली कांग्रेसले लिने ‘सैद्धान्तिक सहमति’ बनेको छ ।
यो सँगै संसदीय दलको नेता समेत रहनुभएको इन्द्र बहादुर बानियाँ मुख्यमन्त्री बन्ने सम्भावना बढेको हो । । यसअघि गठबन्धनको सरकारले मुख्यमन्त्री हटाउने सुइको पाएसँगै बागमती प्रदेशको मुख्यमन्त्री फेरिएको थियो । एमालेले मुख्यमन्त्री डोरमणि पौडेललाई फिर्ता बोलाउँदै अष्टलक्ष्मी शाक्यलाई भाद्र २ गते मुख्यमन्त्रीमा नियुक्त गरेको थियो ।
