हेटौंडाः बागमती प्रदेशका मुख्यमन्त्री डोरमणि पौडेलले मुख्यमन्त्री पदबाट राजीनामा दिनुभएको छ । बुधबार राती ९ बजे बागमती प्रदेश प्रमुख विष्णुप्रसाद प्रसाईलाई राजीनामा बुझाउनुभएको हो । त्यसअघि मुख्यमन्त्री डोरमणि पौडेलले नेकपा एमालेको बागमती प्रदेश संसदीय दलको नेताबाट राजीनामा दिनुभएको थियो ।
डोरमणि पौडेलले संसदीय दलको राजीनामा दिनुभएसँगै नेकपा एमालेकी नेता अष्ठलक्ष्मी शाक्यलाई संसदीय दलको नेता चयन गरिएको छ । डोरमणि पौडेलले राजीनामा दिनुभएसँगै अष्ठलक्ष्मी शाक्यलाई बागमती प्रदेशको मुख्यमन्त्री नियुक्त गर्ने तयारी भइरहेको छ ।
