हेटौैंडाः खोलाले बगाएर बेपत्ता भएका मकवानपुरको राक्सिराङ गाउँपालिका–३ का ३६ बर्षीय हीरा वाईबा अझै पनि फेला परेका छैनन् । आइतबार मनहरी–९ स्थित खोलाले वाईबालाई बगाएको थियो ।
बेपत्ता वाईबाको अहिले प्रहरी, नेपाली सेना, सशस्त्र प्रहरी र स्थानीय मिलेर खोजी कार्य भइरहेको जिल्ला प्रहरी कार्यालय मकवानपुरका प्रहरी प्रवक्ता जयश्वर रिमालले जानकारी दिनुभयो । उहाँका अनुसार सोमबार बिहान ७ बजेसम्ममा वाईबा फेला परेका छैनन् ।
