हेटौंडाः बागमती प्रदेशको भौतिक पूर्वाधार विकास मन्त्रालयको भवन आवास तथा शहरी विकास महाशाखा अन्तर्गतका कार्यालयमा ३७ दरबन्दी रिक्त रहेको छ ।
महाशाखाको स्वीकृत दरबन्दी ११० रहेकोमा ७३ जनामात्र उपलब्ध रहेको महाशाखा प्रमुख राजेश कुमार पौडेलले बताउनुभयो ।
उहाँका अनुसार महाशाखा अन्तर्गतको शहरी विकास तथा भवन कार्यालय मकवानपुरमा ४ जना, शहरी विकास तथा भवन कार्यालय नुवाकोटमा ६ जना, कार्यालयको जनता आवास तर्फ ५ जना, शहरी विकास तथा भवन कार्यालय काभ्रेमा ७ जना, कार्यालयकै जनता आवास तर्फ ५ जना र शहरी विकास तथा भवन कार्यालय काठमाडौंमा ३ जनाको दरबन्दी अझै रिक्त छ ।
