हेटौंडाः मकवानपुर कोरिया मञ्च दक्षिण कोरियाले हेटौंडा अस्पताललाई स्वास्थ्य सामाग्री वितरण सहयोग गरेको छ । आइतबार हेटौंडा उपमहानगरपालिकाका मेयर हरिबहादुर महत र नेपाल पत्रकार महासंघ मकवानपुरको समन्वयमा स्वास्थ्य सामाग्री अस्पताललाई हस्तान्तरण गरिएको हो । मेयर हरिबहादुर महतले अस्पतालका अध्यक्ष राजेश प्रसाईलाई स्वास्थ्य साम्रगी हस्तान्तरण गर्नुभएको हो ।
मकवानपुर कोरिया मञ्चले १२० थान पिपिई सेट, ७५० वटा सर्जिकल ग्लोब्स्, दुई हजार पिस मास्क र हेल्थ डेस्कलाई ५० कार्टुन सहयोग गरेको थियो । मञ्चले आज मकवानपुरगढी गाउँपालिकाको स्वास्थ्यचौकीलाई पनि ७० हजार बराबरको स्वास्थ्य सामाग्री हस्तान्तरण गर्ने मञ्चका पुर्व अध्यक्ष रमेश उप्रेतीले जानकारी दिनुभयो । हस्तान्तरण कार्यक्रममा मञ्चका अध्यक्ष सुर्य रुम्बा, पुर्व अध्यक्ष रमेश उप्रेती, राजकुमार गोले, दुर्गा दाहाल र महासचिव शुभराज भोम्जन लगायतको उपस्थिती रहेको थियो ।
