हेटौंडाः पिप्ले युवा क्लबले हेटौंडा–५ स्थित क्याम्पा रंगशालामा निर्माण गरिरहेको प्याराफिट निर्माणका लागि सहयोग आउने क्रम जारी रहेको छ । रंगशालामा प्याराफिट निर्माण गर्नका लागि पछिल्लो पटक १ लाख २१ हजार ५ सय ५५ रुपैयाँ सहयोग प्राप्त भएको छ ।
प्याराफिट निर्माणका लागि विभिन्न ४ दाताहरुले सो रकम सहयोग स्वरुप प्रदान गर्नुभएको पिप्ले युवा क्लबका अध्यक्ष सुशील घिमिरेले बताउनुभयो । हेटौंडा–५ निवासी सरोज पोखरेलले १ लाख १ हजार रुपैयाँ सहयोग गर्नुभएको छ । यस्तै राम बहादुर पराजुलीबाट १० हजार रुपैयाँ, संगीता श्रेष्ठबाट ५ हजार ५ सय ५५ रुपैयाँ र अर्जुन कर्माचार्यबाट ५ हजार रुपैयाँ सहयोग प्राप्त भएको अध्यक्ष घिमिरेले जानकारी दिनुभयो ।
यस्तै प्याराफिट निर्माणकै लागि प्रभात किरण खड्काले १ ट्रिपर गिटी र १ ट्रिपर बालुवा सहयोग गर्नुभएको छ । यसअघि पनि रंगशाला निर्माणका लागि विभिन्न समयमा गरी दाताहरुबाट सहयोग प्राप्त भएको छ ।
