हेटौंडाः हेटौैडा अस्पतालमा जडान भएको अक्सिजन जेनरेटर प्लान्टको ३८ लाख रुपैयाँ मकवानपुर घरजग्गा व्यवसायी संघले दिएको छ । २ हप्ता अघि हेटौंडा अस्पतालमा हेटौंडा उपमहानगरपालिकाको समन्वयमा १८ अक्सिजन सिलिन्डिर उत्पादन हुने प्लान्ट जडान गरिएको थियो ।
आइतबार हेटौंडा उपमहानगरपालिकाका मेयर हरिबहादुर महतले प्लान्ट ल्याएका बयोधा मेडिकल टेक्नोलोजिका प्रमुख दिपक खनाललाई मकवानपुर घर जग्गा व्यवसायी संघले उपलब्ध गराएको ३८ लाखको चेक हस्तान्तरण गर्नुभएको हो । मेयर महतले राम्रो कामको थालनी गरिहाल्नुपर्ने भन्दै प्लान्ट जडान गर्न आलोचना भएपनि तत्काल निर्णय लिएको बताउनुभयो । उहाँले हेटौंडा अस्पतालमा अक्सिजन अभाव भएर बिरामीहरु मनु नपर्ने बताउनुभयो । हेटौंडा अस्पतालमा डायलासिस गर्ने मेशिन आइसकेकोले तत्काल निशुल्क उपचार सेवा दिन अस्पतालका अध्यक्ष राजेश प्रसाईलाई मेयर महतले निर्देशन समेत दिनुभएको छ ।
यसैगरी घर जग्गा व्यवसायी संघ मकवानपुरका अध्यक्ष धु्रव घिमिरले युवा व्यवसायीहरु मिलेर प्लान्टको रकम दिएको बताउनुभयो । नगरलाई आर्थिक व्ययभार नपर्ने गरी व्यवसायीहरुले यस्तो निर्णय गरेर प्लान्टको रकम मकवानपुर घरजग्गा व्यवसायी संघले उपलब्ध गराएको उहाँको भनाई छ ।
उहाँले घरजग्गा व्यवसायी संघले यस्तो सहयोग अरु पनि उपलब्ध गराउँदै जाने भन्दै महामारीमा क्विक निर्णय लिएर प्लान्ट राख्नलाई मेयर महतले गरेको निर्णय स्वागतयोग्य भएको बताउनुभयो । तत्काल निर्णय लिन सकेका कारण हेटौंडा अस्पतालमा तत्काल प्लान्ड जडान गर्न सफल भएको अध्यक्ष घिमिरले जानकारी दिनुभयो । चेक हस्तान्तरण कार्यक्रममा मदन भण्डारी स्वास्थ्य विज्ञान प्रष्ठिानका रजिष्ट्रार तथा हेटौंडा अस्पताल विकास समितिका अध्यक्ष राजेश प्रसाई लगायत अन्य व्यवसायीहरुको उपस्थिति रहेको थियो ।
