हेटौंडाः जातकै आधारमा नागरिकलाई फरक व्यवहार गर्नु अमानवीय व्यवहार भएको बागमती प्रदेशको सामाजिक विकास मन्त्री सरस्वती बस्नेतले बताउनुभएको छ । उहाँले आज परेको जातिय भेदभाव तथा छुवाछुत विरुद्धको दिवसको अवसरमा शुभकामना दिनुहुँदै एक्काइसौ सताब्दीमा जातीय छुवाछुत गर्ने, जातकै आधारमा फरक व्यवहार हुनु दुःखद भएको बताउनुभयो ।
नेपालमा जातीय भेदभाव तथा छुवाछुत मुक्त घोषणा भएको डेढ दशक पुरा भएको छ । उहाँले जातीय तथा अन्य छुवाछुत र भेदभाव (कसूर र सजाय) ऐन २०६८ कार्यान्वयन गर्न र आवश्यक प्रदेश कानुन बनाउन तथा दलित सशक्तिकरणको लागि आवश्यक नीति, कानुन निर्माण गर्न प्रतिबद्धता जनाउनुभएको छ । उहाँले जातीय छुवाछुट जस्तो कुप्रथा अन्त्य गर्दै सामाजिक न्याय कायम गर्न सबै जातजाती र समुदायमा आह्वान समेत गर्नुभएको छ ।
