हेटौंडाः मकवानपुरमा जारी निषेधाज्ञा अटेर गर्ने ८१ जनालाई प्रहरीले होल्ड गराएर छाडेको छ । बुधबार जिल्लाको विभिन्न स्थानमा अनावश्यक रुपमा डुल्न हिडेकाहरुलाई प्रहरीले होल्ड गराएर छाडेको हो ।
यस्तै एक बससहित १८ वटा सवारीको कागजपत्र प्रहरीले नियन्त्रणमा लिएको छ । बसलाई भने कोभिड– १९ संकट व्यवस्थापन अध्यादेश, २०७८ बमोजिम पाँच हजार जरिवाना गरिएको जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालले जानकारी दिनुभयो ।
