हेटौंडाः पछिल्लो २४ घण्टामा हेटौंडा अस्पतालमा उपचाररत कोभिड–१९ संक्रमितहरु १४ जना डिस्चार्ज भएका छन् । श्वासप्रश्वासमा समस्या भएका उनीहरु सहज भएसँगै डिस्चार्ज भएका हुन् ।
अहिले अस्पतालमा ३८ जना संक्रमितहरु उपचाररत छन् । हेटौंडा अस्पतालको स्टेप डाउन वार्डमा ५ महिला र ३ पुरुष छन् । आइसियूमा ६ महिला र ४ पुरुष, एचडियूमा १० महिला र ७ पुरुष, आकस्मिक कक्षमा २ महिला र १ पुरुष छन् । अस्पतालमा अहिले गम्भिर कोभिडका बिरामीहरु २३ महिला र १५ पुरुष उपचार गराइरहेको अस्पतालका सुचना अधिकारी राजिव झाले जानकारी दिनुभयो । गएको २४ घण्टामा हेटौंडा अस्पतालमा ३ जनाको मृत्यु भएको छ ।
यो सँगै अस्पतालमा कुल मृत्यु हुनेको संख्या ४५ पुगकोे छ । अस्पतालमा अहिलेसम्म ४४ महिला र ६४ पुरुष गरी १ सय ८ जना डिस्चार्ज भएका छन् । यस्तै १२ जनालाई भने अन्यत्र रिफर गरिएको अस्पतालले जनाएको छ । अस्पतालमा उपचाररत अधिकांशलाई हाइ फ्लो अक्सिजन दिनुपरेको छ । अस्पतालमा अहिले २ सय ५० अक्सिजन सिलिन्डर स्टक रहेको छ ।
