नेपाली राजनीतिक ईतिहासमा सबै भन्दा शक्तीशाली सरकारका रुपमा गठन भएको एमाले अध्यक्ष केपी शर्मा ओली प्रधानमन्त्री रहेको सरकारले तीन बर्षमै संसदबाट विश्वास गुमाएका छन् । आफ्ना सहपाठी तथा सहकर्मी तथा अग्रजहरुलाई व्यवस्थापन नगर्दाको परिणाम तीन बर्षमा संसदमा प्रधानमन्त्री ओली एक्लिनु परेको छ । आफ्नै दलका सांसदहरुको समेत विश्वास पाउन नसके पछि ओली प्रधानमन्त्री पदबाट च्यूत भएका छन् । नागरिकलाई सपना देखाउने काम ओलीले प्रधानमन्त्रीका रुपमा गरेका हुन् । जनताका मुर्छित सपना र आकांक्षा जगाउने काम भाषणा मात्र भए तर व्यवहारमा हुन नसके पछि आफैले देखाएका सपना तीन बर्ष बीचमा सत्ता बर्हिरगमनको कारण बनेका छन् । पुरा गर्न नसक्ने कुरा गर्ने तर काम नगरे पछि सरकार प्रति आम नागरिक पनि निराश बनेको अवस्था हो ।
राजनीतिक दाउपेच नभएमा अब दुई वा दुई भन्दा बढी दलहरुको समर्थनमा संयुक्त सरकार गठन हुने छ । यसरी गठन भएको सरकारले विश्वासको मत लिनु पर्ने हुन्छ । संयुक्त सरकारले विश्वासको मत नपाए फेरी ठूलो दलको नेतालाई प्रधानमन्त्री बनाईने संवैधानिक व्यवस्था हो । तर त्यो भन्दा अघि नै अर्को सरकार गठन हुन नसक्ने अड्कलबाजीमा संसद विघटनको आशंका पनि छ । तर विश्वासको मत असफल भए पछि पद मुक्त भएका प्रधानमन्त्रीले संसद विघटनको अधिकार राख्दैनन् भन्ने मान्यता विपरित अन्यथा निर्णय हुन सक्ने आशंका पनि छ । तर अव संसद विघटन नहुने ओलीको प्रतिद्धता अनुसार अर्को सरकार गठनका लागि बाटो खुलेको छ ।
केपीले जगाई दिएको जनताको आकांक्ष अव बन्ने सरकारले पनि पुरा गर्न सक्ने अवस्था छैन् । भाषणबाटै जनतालाई आश्वस्त पार्न सक्ने कला ओलीमा थियो तर अब जो प्रधानमन्त्री बने पनि ओलीको जस्तै कलायुक्त बोल्न सक्ने नेतृत्व देखिदैन् । कुरा भन्दा काम गर्ने क्षमता आवश्यक छ । अव बन्ने प्रधानमन्त्री र सरकारले बोल्ने भन्दा काम गर्न सक्नु पर्दछ । जनताका मुर्छित सपना व्युतीएको अवस्था छ । ति चाहना पुरा गर्न तर्फ काम गर्ने क्षमता अवको नेतृत्वले देखाउन सक्नु पर्दछ । सरकार टिक्ने संवैधानिक व्यवस्था भन्दा पनि नागरिकको विश्वास हो । कुर्सीमा बसीरहनु मात्र सरकार सफल हुनु होईन उसले गर्ने कर्मबाट नागरिकले पाउने सेवा सुविधाका अधारमा सरकारको आयु निर्धारण हुने गर्दछ ।
दुई तिहाई शक्तीका साथ गठन भएको सरकार तीन बर्ष टिक्न सकेन भने अव बन्ने संयुक्त सरकारको आयु गठन भएका दिन देखिनै गणना हुने छ । प्रधानमन्त्री वा मन्त्री बन्ने भन्दा नागरिक आवश्यकता सम्वोधन गर्ने मुख्य उदेश्य खाँचो छ । तर आज सम्मका दल र तीनको नेतृत्वबाट त्यो आश गर्नु बेकार हुदै आएको छ । सुझवुझ पूर्ण निर्णयका साथ सक्षम नेताको नेतृत्वमा अव दुई बर्ष सरकार चलाउने कार्ययोजना साथ सरकार गठन हुनु पर्दछ । प्रधानमन्त्री पद यतिबेला खाली भएको छ । संसदको विश्वास जित्न नसके पछि प्रधानमन्त्री पद रिक्त भएको अवस्था हो । रिक्त पद पुर्ति मात्र भन्दा स्पस्ट दृष्टिकोण र योजना सहितको नेतृत्व आवश्यक छ ।
