हेटौंडाः बागमती प्रदेशबाट राष्ट्रिय सभामा प्रतिनिधित्व गर्नको लागि नेपाल मजदुर किसान पार्टी (नेमकिपा) बाट कृष्ण बहादुर तामाङको उम्मेदवारी परेको छ ।
बागमती प्रदेशसभाको नेमकिपाका सांसद सुरेन्द्रराज गोसाई प्रस्तावक र नेमकिपाकै सिर्जना सैजुको समर्थनमा कृष्ण बहादुर तामाङले राष्ट्रिय सभामा आफ्नो उम्मेदवारी दिनुभएको हो ।
उम्मेदवारी दर्ता गराएसँगै उहाँले हारजित जे भएपनि पार्टीको निर्देशन अनुसार चल्ने तथा जितेमा देश र जनताको लागि काम गर्ने प्रतिक्रिया दिनुभएको छ ।
