हेटौंडाः मकवानपुरमा कोरोना भाइरसविरुद्ध माघ १४ गते पहिलो डोजको खोप लगाएकाहरुलाई दोस्रो डोजको खोप लगाउन सुरु भएको छ । मंगलबाट मकवानपुरको ४ स्थानीय तहमा दोस्रो डोजको खोप लगाउन सुरु भएको हो ।
मंगलबार ४ स्थानीय तहमा ६ सय ४० जनाले दोस्रो डोजको खोप लगाएका हुन् । हेटौंडा–१० स्थित गोरक्षश्वर मन्दिर परिसरबाट ५ सय ६५ जनाले दोस्रो डोजको खोप लगाएको जिल्ला स्वास्थ्य कार्यालय मकवानपुरले जानकारी दिएको छ । भीमफेदी गाउँपालिकाको प्राथमिक स्वास्थ्य केन्द्रबाट ३५, बागमतीको बेतिनी र मकवानपुरगढीको कोभिड अस्पतालबाट २०–२० जनाले दोस्रो डोजको खोप लगाएका छन् ।
मंगलबार दोस्रो डोजको खोप लिनेहरुमा स्वास्थ्यकर्मी, सरकारी कर्मचारी, सुरक्षाकर्मी, सरसफाइकर्मी, कर्मचारी, बैंक तथा वित्तीय संस्थाका कर्मचारी रहेका छन् । जिल्ला स्वास्थ्य कार्यालय मकवानपुरका अनुसार बकैया र कैलाश गाउँपालिकाबाहेक अन्य स्थानीय तहले बुधबारबाट खोपको दोस्रो डोज लगाउनेछन् । बकैया र कैलाशले यही बैशाखको १० र ११ गतेमात्र खोप लगाउने कार्यक्रम तय गरेको जनाइएको छ ।
