मकवानपुरगढीः बागमती प्रदेशका पत्रकारहरुलाई दिइएको मल्टिमिडिया तथा अनलाइन पत्रकारिता तालिम सम्पन्न भएको छ ।
प्रदेशको ११ जिल्लाका २० जना पत्रकारहरुलाई आन्तरीक मामिला तथा कानुन मन्त्रलयले ५ दिने तालिम दिएको थियो । चैत्र ५ गतेबाट मकवानपुरको मकवानपुरगढीमा सुरु भएको तालिमको सोमबार समापन गरिएको हो ।
तालिमको समापनम बोल्नुहुँदै आन्तरीक मामिला तथा कानुन मन्त्रालयका सचिव मदन भूजेलले पत्रकारको गुणस्तरमा वृद्धि गर्नुपर्ने बताउनुभयो । उहाँले तालिममा सिकेका कुराहरुलहाई व्यवहारमा लागू गर्न समेत आग्रह गर्नुभयो । पत्रकारहरुको आवश्यकताअनुसार नै तालिम प्रदान गरेको उहाँको भनाई थियो ।
बागमती प्रदेशको सञ्चार रजिष्ट्रार रेवती सापकोटाले तालिमले बागमती प्रदेशको क्रियाशिल पत्रकारहरुलाई थप उर्जा दिएको बताउनुभयो ।
उहाँले बागमती प्रदेशको पत्रकारहरुले लेख्ने शैली र पत्रकारको गुणस्तरमा वृद्धि आउँदा देशमै परिवर्तन आउने बताउनुभयो । देशको करिब ७० प्रतिशत पत्रकार बगामती प्रदेशमा भएको भन्दै सम्पूर्ण पत्रकारहरुलाई अवसर र क्षमता वृद्धि गर्न सञ्चार रिजिष्ट्रारको कार्यालय तत्पर रहेको उहाँको भनाई थियो ।
तालिमको समापनमा प्रशिक्षक प्रवेश सुवेदी, तालिममा सहभागिहरु राजु श्रेष्ठ र बिमा लुङ्गेलीले ५ दिने तालिमको अनुभव राख्नुभएको थियो । ५ दिने तालिममा प्रशिक्षकहरु उमेश श्रेष्ठ र प्रकाश सुवेदीले सहजीकरण गर्नुभएको थियो ।
