हेटौंडाः हेटौंडा उपमहानगरपालिकाको खेलकुद विकास समितिका अध्यक्ष चन्द्र शाहीले आजबाट पदभार ग्रहण गर्नुभएको छ । यसअघि श्रावण महिनामा समितिको अध्यक्षमा नियुक्त हुनुभएको शाहीले सोमबार पदभार ग्रहणगरेसँगै उपमहानगरपालिकालाई खेल क्षेत्रमा अगाडि बढाउने प्रतिबद्धता व्यक्त गर्नुभएको छ ।
खेल क्षेत्रमा भएका समस्याहरुलाई चिर्दै खेलाडी उत्पादनसँगै खेलकुदको गतिविधिमा हेटौंडा उपमहानगरपालिकालाई अब्बल र सक्रिय बनाउँदै अगाडि बढ्ने उहाँले बताउनुभयो । अध्यक्ष शाहीलाई हेटौंडा उपमहानगरपालिकाका मेयर हरिबहादुर महतले पदभार ग्रहण गराउनुभएको हो । अब छिट्टै नगर खेलकुद विकास समितिले पूर्णता पाउँने अध्यक्ष चन्द्र शाहीले बताउनुभएको छ ।
