हेटौंडाः शिक्षक सेवा आयोगको सदस्यमा हेटौंडास्थित आधुनिक राष्ट्रिय माविका प्रधानाध्यापक वीरवंश बैठाले आवेदन दिनुभएको छ । दुईजना सदस्य पदका लागि आवेदन आव्हान गरेकोमा हेटौंडाका बैठासहित २५ जनाले आवेदन दिएका छन् ।
शिक्षक सेवा आयोगको अध्यक्षका लागि ४ जनाको दरखास्त परेको छ । नेपाल सरकारको विशिष्ठ श्रेणीको अनुभव प्राप्त अर्थात् सचिवबाट अवकास भएको व्यक्ति आयोग अध्यक्ष हुन सक्ने व्यवस्था छ । सोही योग्यताका आधारमा शिक्षा सेवाबाट सचिव भएका लक्ष्मीराम पौडेल, पूर्व शिक्षा सचिव समेत रहेका कानून सेवाका मधु रेग्मी, कानून सेवाकै खगराज पौडेल र प्रशासन सेवाबाट अवकास भएका विनोद केसीले अध्यक्ष पदका लागि दरखास्त हालेका शिक्षा मन्त्रालय श्रोतले जनाएको छ । आयोगको अध्यक्ष र सदस्य पदका लागि आवेदन दिने अन्तिम दिन आइतबार समयसीमा तोकिएको थियो ।
