हेटौंडाः नेपाल सरकारको महिला बालबालिका तथा ज्येष्ठ नागरिक मन्त्रालयले बाल सङ्गठन मकवानपुरको सभापतिमा अशोक सारु मगरलाई नियुक्त गरेको छ । नेपाल बाल सङ्गठन केन्द्रीय कार्यसमितिको असोज २० गते बसेको बैठकले मगरलाई जिल्ला सभापति चयन गरेको हो ।
यसअघि केन्द्रीय समितिले असोज १६ गते यसअघिको जिल्ला कार्यसमिति भङ्ग गर्ने निर्णय गरेको थियो । यसअघि रमेश गिरि बाल सङ्गठन मकवानपुरको सभापति हुनुहुन्थ्यो । मगरलाई तदर्थ समिति सभापतिको रुपमा जिम्मेवारी दिएर जिल्ला अधिवेशन गर्न निर्देशन समेत दिएको नवनियुक्त सभापति अशोक सारु मगरले जानकारी दिनुभएको छ । नेपाल बाल संगठनले मकवानपुरको भीमफेदीमा बालगृह समेत सञ्चालन गरेको छ । भीमफेदीस्थित बालगृहमा अहिले ३२ जना बालबालिका आश्रित छन् ।
