हेटौँडाः हेटौंडामा जारी मकवानपुर जिल्ला लिग फुटबल प्रतियोगिता अन्तर्गत शुक्रबार समूह चरणको ४ खेलहरु हुँदैछ । हेटौंडा–११,स्थित सिमलटार मैदानमा र हेटौंडा–६,स्थित गौरीटार रंगशालामा दुई/दुई वटा गरी ४ खेलहरु हुनेछ । गौरीटारमा हुने पहिलो खेलमा समूह ख न्यू डाँफे युवा क्लब र रियल स्टार क्लबबीच प्रतिस्पर्धा हुनेछ । दोस्रो खेलमा एफसी मल्टिभिजन क्लब र ४ एफसी नामटारबीच प्रतिस्पर्धा हुनेछ ।
सिमलटारखेल मैदानमा हुने पहिलो खेलमा सानो पोखरा र ७ नम्बर फुटबल क्लबबीच प्रतिस्पर्धा हुनेछ । यस्तै दोस्रो खेलमा हटिया स्पोर्ट्स क्लब र पदमपोखरी क्लबबीच प्रतिस्पर्धा हुनेछ । प्रतियोगिताको फाइनल खेल असोज ९ गते हुनेछ । प्रतियोगिताको उपाधि विजेता टिमले एक लाख रुपैयाँ सहित शिल्ड मेडल तथा प्रमाणपत्र प्राप्त गर्नेछन् भने उपविजेता टिमले ५० हजार रुपैयाँ सहित शिल्ड मेडल तथा प्रमाणपत्र प्राप्त गर्नेछन् ।
