हेटौँडाः मकवानपुरका प्रमुख जिल्ला अधिकारीको रुपमा तीर्थराज चिलुवालले कार्यभार सम्हाल्नुभएको छ । बुधबार चिलुवालले कार्यभार सम्हाल्नु भएको हो ।
जेठ १६ गते संघीय सरकारको गृह मन्त्रालयले प्रमुख जिल्ला अधिकारीको सरुवा गर्ने निर्णय गरेबमोजिम गृह मन्त्रालयका सहसचिव चिलुवाललाई मकवानपुरको प्रमुख जिल्ला अधिकारीको जिम्मेवारी दिइएको हो । मकवानपुरका प्रमुख जिल्ला अधिकारी सूर्यप्रसाद सेडाईलाई भने काभ्रे जिल्लाको प्रमुख जिल्ला अधिकारीको जिम्मेवारी दिने गरी सरुवा गरिएको थियो ।
