हेटौँडाः पूर्व–पश्चिम राजमार्गअन्तर्गत मकवानपुरको मनहरी–९ ज्यामिरेमा पिकअप गाडीको ठक्करबाट पैदलयात्रीको मृत्यु भएको छ । शनिबार बिहान ६ बजेर ४५ मिनेटको समयमा हेटौँडाबाट बुटबलतर्फ जाँदै गरेको लु २ च ७३२७ नम्बरको पिकअप गाडिले मनहरी–९ का ५० वर्षीय सिताराम अधिकारीलाई ठक्कर दिएको थियो ।
गाडीको ठक्करबाट घाइते भएका अधिकारीलाई स्थानीय मेडिकलमा सामान्य उपचार पश्चात थप उपचारका चितवन जिल्लाको भरतपुरस्थित पुरानो मेडिकल कलेज लगिएकोमा शनिबार बिहान ७ बजेर ५६ मिनेटको समयमा डाक्टरले मृत घोषित गरेको जिल्ला प्रहरी कार्यालय मकवानपुरले जनाएको छ ।
प्रहरीले पिकअप गाडीसहित चालक नवलपरासी जिल्लाको वर्दघाट नगरपालिका–१२, चौपट्टाका २० वर्षीय मनोज भुसाललाई नियन्त्रणमा लिएको जनाएको छ ।
