हेटौँडाः वर्षासँगै बाढी, पहिरोका कारण अलपत्र परेका यात्रुलाई हेटौँडामा निशूल्क खाने, बस्ने व्यवस्था गरिएको छ । स्थानीय प्रशासनको प्रस्तावमा मकवानपुर उद्योग वाणिज्य संघले अलपत्र परेको यात्रुलाई खाने, बस्ने व्यवस्थाको जिम्मेवारी लिएको हो । आइतबार दिउँसो एक सूचना जारी गर्दै संघले अलपत्र यात्रुलाई खाने, बस्ने व्यवस्था मिलाइएको जानकारी गराएको छ ।
मकवानपुर उद्योग वाणिज्य संघका कार्यकारी निर्देशक सुजन सुवेदीका अनुसार संघका अध्यक्ष कृष्णकुमार गुप्ता, प्रमुख जिल्ला अधिकारी तीर्थराज चिलुवाल र प्रहरी प्रमुख सिताराम रिजालबीच छलफलपछि अपलपत्र यात्रुको व्यवस्थापन सम्बन्धी योजना तयार पारिएको हो । हेटौँडा बाहिर जिल्लाका कुनै ठाउँमा समस्यामा परेको भए पनि हेटौँडा आइपुगेपछि खाने, बस्ने व्यवस्था गरिने कार्यकारी सुवेदीको भनाइ छ ।
