हेटौँडाः जिल्ला प्रहरी कार्यालय बाराले ३६ लाख बराबर रुपैयाँ बराबरको अबैध सामान बरामद गरेको छ । पथलैया बाराबाट खटिएको प्रहरी टोलीले मंगलबार राती १० बजेको समयमा जीतपुर सिमरा उप–महानगरपालिका–१, पथलैया चोक स्थितमा वीरगंजबाट झापा तर्फ जाँदै गरेको ना ३ ख १६४३ नम्बरको ट्रकलाई सुरक्षा जाँच गर्दा अवैध सामान बरामद जिल्ला प्रहरी कार्यालय बाराले जानकारी दिएको छ ।
प्रहरीले ट्रकबाट स्रोत खुलाउन नसकेको ३६ लाख १२ हजार ४ सय ६८ रूपैयाम बराबरको कपडा, पेन्ट, मोटर पार्टस, चक्लेट र अन्य खुद्रा समान सहित ट्रक नियन्त्रणमा लिएको थियो । अवैध सामान नियन्त्रणमा लिई थप अनुसन्धानको लागि आन्तरिक राजश्व कार्यालय पथलैया बारामा लगिएको प्रहरीले जानकारी दिएको छ ।
