हेटौँडाः बागमती प्रदेशको मुख्यमन्त्रीमा कांग्रेस संसदीय दलका नेता बहादुर सिं लामाले दावी पेश गर्नुभएको छ । मंगलबार प्रदेश प्रमुख कार्यालय हेटौँडामा एमाले र कांग्रेसका ६४ जना प्रदेश सभा सदस्यको समर्थनमा लामाले मुख्यमन्त्रीमा दावी पेश गर्नुभएको हो । लामाले प्रदेश प्रमुख यादव चन्द्र शर्मा समक्ष मुख्यमन्त्रीको दावी पेश गर्नुभएको हो ।
प्रदेश प्रमुख यादव चन्द्र शर्माले साउन ८ गते मंगलबार साँझ ५ बजेसम्म मुख्यमन्त्रीमा दावी पेश गर्न आव्हान गर्नुभएको थियो । लामाले काँग्रेस बागमती प्रदेश सभापति इन्द्रबहादुर बानियाँ, एमाले संसदीय दलका नेता जगन्नाथ थपलियाको उपस्थितिमा दावी पेश गर्नुभएको हो । यसअघि मुख्यमन्त्री शालिकराम जम्कट्टेलले आइतबार प्रदेश सभामा सम्वोधनपछि प्रदेश प्रमुख शर्मा समक्ष राजिनामा बुझाउनुभएको थियो ।
