हेटौंडाः बागमती प्रदेशका सांसद सुरेन्द्रमान गोसाईले बामगती प्रदेश सरकारले आगामी आर्थिक वर्षका लागि ल्याएको बजेटले जनताको आकांक्षा पुरा गर्न नसक्ने बताउनुभएको छ । मंगलबार आगामी आर्थिक वर्षको लागि विनियोजित बजेटमाथिको छलफलका क्रममा बोल्नुहुँदै उहाँले यो बजेट समाजवादउन्मुख र प्रगतिशिल नभएको बताउनुभयो ।
सांसद गोसाईले बजेटको आधारमा सरकारको मुल्याङ्कन गर्ने हो भने अन्यन्तै अपारदर्शी, पक्षपाति र अदुरदर्शी भएको बताउनुभयो । अहिले संघीयतापछिको साँतौ बजेटसम्म आउँदा पनि जनताले सुख नपाइरहेको र सरकार अझै योजनाबद्ध रुपमा चल्न नसकिरहेको उहाँले बताउनुभयो । अहिले हरेक क्षेत्रमा अत्यन्तै वेतिथिहरु रहेको भन्दै उहाँले यसमा सरकारले ध्यान दिन जरुरी रहेको बताउनुभयो । अहिले जनताले प्रदेश सरकारसँग कुनै ठुलो अपेक्षा नगरिरहेको बताउनुहुँदै उहाँले खानेपानी, स्वास्थ्य र रोजगार जस्ता आधारभुत आवश्यकताका विषयमा ध्यान दिन आवश्यक रहेको बताउनुभयो ।
