हेटौँडाः पूर्वपश्चिम राजमार्गअन्तर्गत मकवानपुरको हेटौँडा उपमहानगरपालिका–१९, दारिमटारमा शनिबार दुर्घटनामा परी कालिकोटा जिल्लाको सान्नी त्रिवेणी गाउँपालिका–४ का ३० वर्षी रमेश तिरुवाको मृत्यु भएको छ ।
शनिबार साँझ साढे ६ बजेको समयमा मनहरीबाट हेटौँडातर्फ जाँदै गरेको ना ७ त ४३७६ नम्बरको ट्याक्टरले हेटौँडाबाट मनहरीतर्फ जाँदै गरेको बा ७० प ७१८९ नम्बरको मोटरसाइकललाई ठक्कर दिँदा दुर्घटना भएको प्रहरीले जनाएको छ । दुर्घटनामा परी मोटरसाइकलमा सवार तिरुवा गम्भीर घाइते भएका थिए । हेटौँडास्थित सीएमसी चुरेहिल अस्पतालमा उपचारपछि शनिबार राती थप उपचारका लागि तिरुवालाई चितवन पठाइएको थियो । चितवनबाट पनि तिरुवालाई आइतबार बिहान ३ बजे काठमाडौं लगिएको थियो । काठमाडौं ट्रमा सेन्टरमा आइतबार बिहान ११ बजेको समयमा उपचारको क्रममा तिरुवाको मृत्यु भएको प्रहरीले जनाएको छ ।
दुर्घटनामा परी मोटरसाइकल चालक चितवन जिल्लाको भरतपुर महानगरपालिका–५, तोरीखेतका ३७ बर्षीय मुस्कान घलान घाइते भएका छन् । ट्याक्टर चालक भने फरार रहेको र खोजी कार्य भइरहेको जिल्ला प्रहरी कार्यालय मकवानपुरले जनाएको छ ।
