हेटौंडाः मकवानपुरगढी गाउँँपालिका–८, बुढीचौरमा एक मानव कंकाल फेला परेको छ । शनिबार आलखोला जंगलमा घाँस काट्न गएका स्थानीयले मृत मानिसको कंकाल फेला पारेको बागमती प्रदेश प्रहरी कार्यालय हेटौंडाले जनाएको छ ।
कंकाल फेलापारी स्थानीयले प्रहरीलाई खबर गरेका थिए । कंकाल कसको रहेको भनि सनाखत हुन नसकेको प्रहरीले जानकारी दिएको छ । घटनास्थलमा मुचुल्कापश्चात् कानुनी प्रकृया भइसकेको प्रहरीले जनाएको छ ।
कंकालका बारेमा स्थानीयसँग बुझ्दा उक्त वडा एरियाका कोही मानिस हराई बेपत्ता नरहेको बुझिएको प्रहरीको भनाइ छ । घटनास्थलमा रहेको कपडा र कपाल हेर्दा पुरुष व्यक्तिको कंकालजस्तो देखिएको प्रहरीले जनाएको छ ।
