हेटौंडाः हेटौंडा–१६ मा रहेको जनप्रिय नमुना माध्यमिक विद्यालय (प्राविधिक शिक्षालय)को विद्यालय व्यवस्थापन समितिको अध्यक्षमा मोहनप्रसाद बस्ताकोटी चयन हुनुभएको छ । अभिभावक भेलाबाट आइतबार बस्ताकोटी अध्यक्षमा मनोनित हुनुभएको विद्यालयका प्रधानाध्यापक भुपेन्द्र चौलागाईंले जानकारी दिनुभयो ।
अभिभावक भेलाबाट ६ जना मनोनित हुनुभएकोमा बस्ताकोटी बहुमतले मनोनित हुनुभएको हो । मनोनित इन्द्रप्रसाद खतिवडा, गोविन्द दुलाल, सूर्यकला तिमल्सिना, सरस्वती गौतम, बिन्दा बिक समिति सदस्यमा चयन हुनुभएको प्रधानाध्यापक चौलागाईले जानकारी दिनुभयो । ९ सदस्य रहने विद्यालय व्यवस्थापन समितिको सदस्यसचिवमा विद्यालयका प्रधानाध्यापक रहनेछन् भने शिक्षकहरुको तर्फबाट एकजना शिक्षक प्रतिनिधि चयन हुनेछन् । साथै, सम्बन्धित वडाका वडा अध्यक्ष वा वडा सदस्य समितिको सदस्य रहनेछन् ।
