हेटौँडाः बागमती प्रदेशका मुख्यमन्त्री शालिकराम जम्कट्टेलले यही चैत १९ गते विश्वासको मत लिनुहुने भएको छ । नेपाली काँग्रेसले समर्थन फिर्ता लिएपछि मुख्यमन्त्री जम्कट्टेलले आफ्नो पक्षमा बहुमत सुनिश्चित देखिएपछि विश्वासको मत लिन लाग्नुभएको हो ।
शुक्रबार बागमती प्रदेश सभामा नेकपा माओवादी केन्द्रका मुख्यसचेतक रत्नप्रसाद ढकालले विश्वासको मत लिने मिति तय गरिएको पत्र बुझाउनुभएको छ । बिहिबार मात्रै सत्तारुढ दलले हाम्रो नेपाली पार्टी (हानेपा) को संसदीय दलका नेता शैलेन्द्रराज बज्राचार्यलाई सरकारमा सामेल गराएको थियो । हानेपाबाट बज्राचार्य मन्त्री भएको विषयमा भने पार्टीले आपत्ति जनाउँदै कारवाहीको चेतावनी दिएको छ ।
