हेटौंडाः मकवानपुरगढी गाउँपालिकाले उन्नत जातको मकैको बिउ वितरण गर्ने भएको छ । बुधबार एक सूचना जारी गर्दै गाउँपालिकाले आर्थिक वर्ष २०८०/८१ को वार्षिक कार्यक्रम अनुसार संघीय सशर्त वित्तीय हस्तान्तरित कृषि विकास कार्यक्रमतर्फ मकैबाली प्रवद्र्धन कार्यक्रमअन्तर्गत् पचास प्रतिशत अनुदानमा मकैबालीको उन्नत बिउ वितरण गर्न लागेको कृषि प्राविधिक निर्मला देवकोटाले जानकारी दिनुभयो ।
गाउँपालिकाले २ टन रामपुर कम्पोजिट जातको मकैको बिउ वितरण गर्न लागेको उहाँले जानकारी दिनुभयो । १ सय १० देखि १ सय १५ दिनको अवधिमा पाक्ने मकैको बिउ प्रतिरोपनी १ किलोका दरले वितरण गर्न लागेको हो । कृषि प्राविधिक देवकोटाका अनुसार मकैको बिउ वडा तथा गाउँपालिकामा गठन भएको समूहबाट वितरण गरिनेछ ।
