हेटौँडाः समृद्ध समाज राष्ट्रिय दैनिकका संवाददाता रविन्द्र वाईबा पुरस्कृत हुनुभएको छ । छैठौं संस्करणको बागमती गोल्डकप फुटबल प्रतियोगिता समापन समारोहमा वाईबालाई उत्कृष्ट खेलकुद पत्रकारिता पुरस्कार प्रदान गरिएको हो ।
समापन समारोहका प्रमुख अतिथि बागमती प्रदेश सरकारकी सामाजिक विकास मन्त्री कुमारी मोक्तानले वाईबालाई १५ हजार रुपैयाँसहित सम्मानपत्र प्रदान गर्नुभयो । वाईबा समृद्ध समाज राष्ट्रिय दैनिकबाटै पत्रकारिताको सुरुवात गरी निरन्तर खेलकुद, स्थानीय सरकार, प्रदेश सरकारको विषयमा समाचार लेख्नुहुन्छ ।
