हेटौंडाः खाद्य प्रविधि तथा गुण नियन्त्रण कार्यालय हेटौंडाका प्रमुख डा. क्षितिज श्रेष्ठमाथि हातपात भएको छ । कार्यकक्षमै रहेको समयमा श्रेष्ठमाथि आइतबार दिउँसो हातपात भएको जिल्ला प्रहरी कार्यालय मकवापुरका प्रहरी प्रवक्ता लक्ष्मी भण्डारीले जानकारी दिनुभयो ।
श्रेष्ठले आफूमाथि हातपात भएको भनि मकवानपुर प्रहरीमा जाहेरी दिएका थिए । श्रेष्ठले हेटौंडा–४ का रमेश पोडेसहित ५ जनाविरुद्ध जाहेरी दिएको प्रवक्ता भण्डारीले बताउनुभयो । आरोपित पोडेलाई पक्राउ गरी ७ दिन हिरासतमा राखेर अनुसन्धान गर्न जिल्ला अदालत मकवानपुरबाट म्याद थप गरिएको उहाँले बताउनुभयो । अन्य ४ जनको खोजी कार्य भइरहेको बताउँदै उहाँले भन्नुभयो, ‘विवादको कारण खुल्न बाँकी रहेको छ, हामीले सोधपुछ गरिरहेका छौँ, अन्यको खोजी कार्य भइरहेको छ ।’
