हेटौँडाः मकवानपुर जिल्लाको मकवानपुरगढी गाउँपालिका–४ स्थित मनकामना माध्यमिक विद्यालयमा शुक्रबार अतिरिक्त क्रियाकलापअन्तर्गत गणित दौड प्रतियोगिता भएको छ । विद्यार्थीहरुका मनोरञ्जन तथा गणित विषय प्रतिको रुचि अभिवृद्धि गर्ने उद्देश्यले गणित दौड प्रतियोगिता गराएको सहायक प्रधानाध्यापक सविता तिमल्सिनाले जानकारी दिनुभएको छ ।
अतिरिक्त क्रियाकलाप अन्तर्गत शुक्रबार कक्षा ६, ७, ८, ९ र १० का विद्यार्थीको सहभागिता रहेको थियो । यसैबीच विद्यालयले शुक्रबार दिवा खाजामा मौसमी फल आँप खुवाएको छ । १० कक्षासम्म पठनपाठन हुने मनकामना माविमा अतिरिक्त क्रियाकलाप विभागको बैठक अनुसार आइतबार के कस्तो क्रियाकलाप गर्ने भन्ने विषयमा छलफल गर्ने गरिएको सहायक प्रधानाध्यापक तिमल्सिनाले जानकारी दिनुभयो । अतिरिक्त क्रियाकलापमा विद्यार्थीको सक्रिय सहभागिता रहेको बताइएको छ ।
