हेटौंडाः मकवानपुर प्रहरीले हेटौंडा उपमहानगरपालिका वडा नम्बर ६ चौघडामा जुवा खेलिरहेका १८ जनालाई पक्राउ गरेको छ । शुक्रबार राति ११ बजेर ३० मिनेटको समयमा चौघडास्थित ध्रुव राईको घरमा जुवा खेलिरहेका १८ जनालाई पक्राउ गरेको जिल्ला प्रहरी कार्यालय मकवानपुरका प्रहरी प्रवक्ता टेक बहादुर कार्कीले जानकारी दिनुभयो ।
विशेष सुचनाको आधारमा प्रहरी चौकी चौघडाबाट प्रहरी नायव निरीक्षकको कमाण्ड र जिल्ला प्रहरी कार्यालय मकवानपुरबाट मुचुल्कासहितको थप टोली खटेर जुवा खेलिरहेको स्थानबाट उनीहरुलाई पक्राउ गरिएको हो । प्रहरीले उनीहरुको साथबाट कौडा १७ थानसहित ३१ हजार ८ सय २० रुपैयाँ बरामद गरिएको जनाएको छ । जुवा खेल्ने, च्याखे थाप्ने, हेर्ने १७ जना पुरुष र घरबेटी १ जना गरी जम्मा १८ जनालाई प्रहरीले नियन्त्रणमा लिएको हो ।
पक्राउ परेका १८ जनालाई जिल्ला प्रहरी कार्यालय मकवानपुरमा राखेर थप अनुसन्धान गरिरहेको प्रहरी प्रवक्ता कार्कीले जानकारी दिनुभएको छ। यसअघि प्रहरीले हेटौंडा(११, नवलपुरमा पनि जुवा खेल्ने समूहलाई पक्राउ गरेको थियो।
