हेटौंडाः लागुऔषधसहित २ जनालाई मकवानपुर प्रहरीले पक्राउ गरेको छ । मंगलबार राती ईलाका प्रहरी कार्यालय पशुपतिनगरबाट प्रहरी निरीक्षक अरुण कुमार कुसवाहको कमाण्डमा खटिएको प्रहरी टोलीले हेटौंडा–१५ पिपल चौतारीस्थित सडक खण्डमा सुरक्षाजाँच गर्ने क्रममा ना ३३ प ३६१० नम्बरको मोटरसाईकलमा सवार रौतहट जिल्ला चन्द्रपुर नगरपालिका–६ का २१ वर्षीय आशनारायण यादव र भारतको बिहार राज्य मोतिहारी जिल्ला, भेलाहीका १८ वर्षीय जावेद आलमलाई पक्राउ गरेको हो । उनीहरुको साथबाट लागूऔषध लाईट्रोभेट १६५ ट्याब्लेट बरामद भएको प्रहरीले जनाएको छ । लागूऔषध नियन्त्रण ऐन, २०३३ बमोजिम २ वर्षदेखि १० वर्षसम्म कैद र १ लाख रुपैयाँदेखि २० लाख रुपैयाँसम्म दण्ड, जरिवाना र सवारी साधन समेत जफत हुने कानूनी प्रावधान रहेको जिल्ला प्रहरी कार्यलयले जनाएको छ ।
