हेटौंडाः नेपाली कांग्रेस बागमती प्रदेश समितिका सभापति ईन्द्रबहादुर बानियाँले आसन्न स्थानीय तह निर्वाचनका लागि ५ दलीय गठबन्धनमा कांग्रेसको तर्फबाट जिल्लास्तरीय गठबन्धमा सहभागी हुने प्रतिनिधि तोक्नुभएको छ । बानियाँले काठमाडौं, काभ्रेपलान्चोक, सिन्धुपाल्चोक र मकवानपुरका लागि २/२ जना प्रतिनिधि तोक्नु भएको छ भने प्रदेशका अन्य जिल्लामा एक एकजना प्रतिनिधि तोक्नुभएको छ ।
मकवानपुरका लागि लामाकार्पु तामाङ र तारा गुरुङ, काठमाडौंका लागि चन्द्र महर्जन र दीर्घमान श्रेष्ठ, काभ्रेपलान्चोकका लागि ऋषिराम घिमिरे र रमेशकुमार बखती तथा सिन्धुपाल्चोकका लागि जीवन डंगोल र अर्जुनप्रसाद न्यौपानेलाई प्रतिनिधि तोकिएको छ । यस्तै चितवनका लागि मोहन बस्नेत, रामेछापका लागि कञ्चनचन्द्र वादे, दोलखाका लागि राजु श्रेष्ठ, भक्तपुरका लागि निमा लामा, धादिङका लागि सन्तबहादुर प्रजा, रसुवाका लागि छिरिङ दोर्जे लामा, ललितपुरका लागि भद्रा पराजुली र नुवाकोटका लागि दिपेन्द्र आचार्यलाई प्रतिनिधि चयन गरिएको कांग्रेस बागमती प्रदेश समितिका मुख्य सचिव राजु नेपालले एक विज्ञप्ति जारी गरी सूचित गर्नुभएको छ ।
