हेटौंडाः बाल हेल्पलाइन हेटौंडाले सन् २०२१ मा दर्ता भएका घटनाको विवरण सार्वजनिक गरेको छ । शुक्रबार हेटौंडामा पत्रकार सम्मेलन गरेर बाल हेल्पलाइन हेटौंडाले सन् २०२१ मा बालविवाहसम्बन्धी ५० वटा घटना भएको जनाएको छ । बाल हेल्पलाइन सञ्चालन गर्दै आएको सिविन नेपालका अधिकृत झविन्द्र ज्ञवालीले घटना विवरण प्रस्तुत गर्नुहुँदै ५० मध्ये ४४ वटा बालविवाह रोक्न सफल भएको बताउनुभयो ।
बालविवाहका घटनामा शारीरिक सम्बन्ध स्थापित भएपछि छुटाउन कठिन हुने गरेको ज्ञवालीको भनाइ छ । ११ जना बालबालिका हराएको भनी बाल हेल्पलाइनको १०९८ नम्बरमा सूचना प्राप्त भएको र सवै बालबालिका फेला परेको बताइएको छ । बिरामी परेका २३ जना बालबालिकालाई स्वास्थ्य उपचारमा सहयोग गरेको बाल हेल्पलाइनले बाल दूव्र्यव्हारका १६ घटना भएको उल्लेख गरेको छ ।
पारिवारिक द्वन्द्वमा ३ जना, श्रमशोषणमा ३ जना, लागूऔषध दूव्र्यसनमा २ जना र शारीरिक दण्ड सजायमा २ जना बालबालिका पीडित भएको सिविन हेटौंडाका अधिकृत झविन्द्र ज्ञवालीले जानकारी दिनुभयो । अभिभावक जिम्मेवार नहुँदा बालबालिकाको जन्मदर्ता हुन नसक्नु प्रमुख समस्याको रुपमा रहेको पनि ज्ञवालीको भनाइ छ ।
