हेटौंडाः मकवानपुरको ४ वटै प्रदेश सभा क्षेत्रमा भएको कांग्रेसको निर्वाचन सकिएको छ । मतदान सकिएसँगै अबको केहीबेरमा मतगणना सुरु गर्ने तयारी भएको छ । ४ वटा प्रदेश सभा क्षेत्रमध्ये प्रदेश सभा क्षेत्र नम्बर १ को के सभापतिमा सुशान्त श्रेष्ठसहितको पदाधिकारीहरु निर्विरोध भएका छन् ।
यस्तै प्रदेश सभा १ को ख मा सभापतिको लागि राजेश बानियाँ र रमेशध्वज कार्कीको प्यानलबिच प्रतिस्पर्धा भएको छ । प्रदेश सभा १ को ख मा दलित प्रतिनिधि तर्फ कृष्ण नेपाली र अल्पसंख्यकतर्फ सविन भट्टराई निर्विरोध चयन भएका छन् । अन्य सभापति, उपसभापति लगायतको पदमा मतदान भएको निर्वाचन अधिकृत रामकुमार अधिकारीले बताउनुभयो । उहाँले मतगणना सुरु गर्न लागेको जानकारी दिनुभएको छ ।
यस्तै प्रदेश सभा क्षेत्र नम्बर २ को क मा पनि मतदान सकिएको छ । प्रदेश सभा २ को कमा महिला प्रदेश प्रतिनिधि, दलित प्रतिनिधि र अन्य प्रतिनिधितर्फको उम्मेदवारहरु निर्विरोध भएका छन् भने सभापति, उपसभापति लगायतको पदमा मतदान भएको थियो ।
