हेटौंडाः धादिङ जिल्लाको बैरनीमा बागमती प्रदेशको पत्रकारको लागि मल्टिमिडियता तथा मोबाइल पत्रकारिता तालिम सुरु भएको छ । ५ दिने आवासीय तालिमको बागमती प्रदेशको आन्तरिक मामिला तथा कानुन मन्त्री कृष्ण खनालले आज उद्घाटन गर्नुभयो । प्रदेशको आन्तरिक मामिला तथा कानुन मन्त्रालयको आयोजना तथा प्रदेश सञ्चार रजिष्ट्रार कार्यालयको व्यवस्थापनमा तालिम भइरहेको छ ।
तालिममा २० जना सहभागि छन् । तालिममा मकवानपुर जिल्लाबाट समृद्ध समाज राष्ट्रिय दैनिकमा आबद्ध रन्जन पौडलसहित ४ जना सहभागि छन् । मल्टिमिडिया तथा मोबाइल पत्रकारिता तालिममा विकास कार्की र विजय गजमेर प्रशिक्षक रहनुभएको छ । तालिममा प्रदेश सञ्चार रजिष्ट्रार रेवती सापकोटको पनि उपस्थिति रहेको छ ।
