हेटौंडाः हेटौंडा–४ स्थित भूटनदेवी माविमा मंगलबारबाट परीक्षा सुरु भएको छ । कक्षा १ देखि १० सम्मका त्रैमासिक परीक्षा सुरु भएको शिक्षक खडानन्द चौलागाईंले जानकारी दिनुभएको छ ।
पहिलो दिन अनिवार्य अंग्रेजी विषयको परीक्षा भएको उहाँले बताउनुभयो । १ हजार २ सय भन्दा बढी विद्यार्थी अध्ययनरत विद्यालयमा १२ गतेदेखि असोज २० गतेसम्म परीक्षा सञ्चालन हुने बताउनुभयो ।
कोरोना भाइरस संक्रमणका कारण ५ महिनासम्म बन्द भएको विद्यालय कोरोना संक्रमण दर सामान्य भएपछि भदौ २७ गतेबाट खुलेको थियो । विद्यालय खुलेपछि दशैंभन्दा अघि भूटनदेवी माविमा परीक्षा लिएको छ ।
