हेटौंडाः मकवानपुरको मनहरीमा गाउँपालिका प्रमुख एकराज उप्रेतीलाई मनहरीमा चल्ने ट्याक्टर व्यवसाय व्यवस्थित गर्न ट्याक्टर व्यवसायी संघ मनहरीले आग्रह गरेको छ । मनहरीको पश्चिम क्षेत्रमा धेरै बसोबास गर्ने बासिन्दाको रोजीरोटी ट्याक्टर व्यवसायमा निर्भर रहेकोले तथा विभिन्न निकायहरुले ट्याक्टर व्यवसायलाई अवैधानिक भन्दै आएकोले वैधानिक बनाउन व्यसायीहरुले आग्रह गरेका हुन् ।
विशेष गरेर मध्यवर्ती निकुञ्जका सेनाहरुले नदीको ढुंगा, गिटी, बालुवा उत्खनन तथा ओसारपसारमा व्यवसायीलाई अवरोध गर्दै आएपछि व्यवसायीहरु आतकिंत भएका छन् । व्यवसायीहरुले सेनाको ज्यादती बन्द गर्नुपर्ने बताएका छन् । मनहरीमा ढुंगा, गिटी बालुवा ओसार पसार गर्न आइइ स्वीकृतको समयअवधि सकिएकोले समस्या देखापरेको मनहरी गाउँपालिकाका अध्यक्ष एकराज उप्रेतीले जानकारी दिनुभयो । मनहरीमा करिब ७ सय ट्याक्टर व्यवसायमा छन् ।
ट्याक्टर व्यवसायमा करिब ३ हजार माथि संलग्न रहेको भन्दै उनीहरुलाई ढुंगा, बालुवा लिन बगरमा जाँदा निकुञ्जले दुः ख दिँदै आएको जानकारी आएको उहाँले बताउनुभयो । यसबारे विस्तुत छलफल सोमबार हुने भएको छ । निकुञ्जको वार्डेन, प्रमुख जिल्ला अधिकारी र व्यवसायीको उपस्थितिमा सोमबार छलफल हुने तय भएको अध्यक्ष उप्रेतीले बताउनुभयो ।
