हेटौंडाः साहित्य संमग मकवानपुरको १५ औं अधिवेशनमा सचिव पदमा भएको निर्वाचनमा डिबी बर्तौला विजयी हुनुभएको छ । शनिबार भएको अधिवेशनमा सचिव पदमा बतौंलासहित रमेश बन्जाराले पनि उम्मेदबारी दर्ता भएपछि सचिव पदमा निर्वाचन भएको थियो ।
निर्वाचनमा निकटतम प्रतिद्धन्द्धी रमेश बन्जारालाई भारी मतले पराजित गर्नुहुँदै बर्तौला सचिव पदमा निर्वाचित हुनुभएको हो । साहित्य संगम मकवानपुरमा २ सय २२ साधारण सदस्य रहेकामा ८३ जनाले मात्र मतदान गरेका थिए । १ मत बदर भएर ८२ मतमात्र मान्य हुँदा विजयी बर्तौलाको पक्षमा ७३ मत खसेको थियो भने प्रतिद्धन्द्धी बन्जाराको पक्षमा ९ मत मात्र खसेको थियो ।
साहित्य संगम मकवानपुरको सचिव पदबाहेक अरु पदका पदाधिकारीहरु भने सर्वसम्मत रुपमा चयन भएका छन् ।
