हेटौंडाः बागमती प्रदेशको शुक्रबार बसेको तेस्रो बैठकमा प्रदेशको आर्थिक मामिला तथा योजना मन्त्री कैलाश ढुंगेलले सांसदहरुले राजश्व आया र व्ययको छलफलमा उठेको प्रश्नको जवाफ दिनुभएको छ ।
उहाँले प्रदेश सरकारले अनुमान गरेको आय र व्यय दुवै यथार्थपरक भएको बताउनुभएको छ । उहाँले ५१ प्रतिशत आय भइसकेको भन्दै चालु वर्षको चैत्र मसान्त सम्म ३२. ७ प्रतिशत बजेट खर्च भएको जानकारी दिनुभयो । मन्त्री ढुंगेलले असार मसान्तसम्म ८०.८५ प्रतिशत बजेट खर्च हुने बताउनुभयो । यस्तै विपद् व्यवस्थापनको लागि आवश्यक बजेट छुट्टाएको र कोभिडको कारण पर्यटन, उद्योग, सवारी लगायतको क्षेत्रमा आवश्यक छुट दिएको बताउनुभयो ।
मन्त्री बस्नेतले बागमती प्रदेशको संचार माध्यमलाई संघ सरकारले जस्तै सोही अनुसारको करमा छुट दिने प्रतिबद्धता व्यक्त गर्नुभएको छ । बागमती प्रदेश सभाको अर्को बैठक शनिबार बिहान साढे ११ बजे बस्नेछ ।
