हेटौंडाः हेटौंडा–११, नवलपुरस्थित बागेश्वरी महिला बचत तथा ऋण सहकारी संस्था लिमिटेडको १२ औं वार्षिक साधारणसभा तथा निर्वाचन कार्यक्रम सुरु भएको छ । बुधबार एक कार्यक्रमका बीच साधारणसभा तथा निर्वाचन कार्यक्रमको सुरुवात गरिएको हो ।
मंसिर १७ गतेसम्म सदस्यले सहभागिता जनाउन सक्ने साधारणसभाको उद्घाटन कार्यक्रममा सहकारीकी अध्यक्ष शर्मिला श्रेष्ठको अध्यक्षता तथा ११ नम्बर वडा सदस्य जुना दाहालको प्रमुख आतिथ्य रहेको थियो । दुई हजार तीन सय ९० सेयर सदस्य रहेको सहकारीको सेयर पुँजी एक करोड ७४ लाख ४६ हजार रुपैयाँ रहेको छ । यस्तै सहकारीको बचत १३ करोड १३ लाख ७७ हजार रुपैयाँ रहेको छ भने आठ सय चार जना सेयर सदस्यलाई १२ करोड ९७ लाख ६७ हजार रुपैयाँ ऋण लगानी गरेको अध्यक्ष शर्मिला श्रेष्ठले जानकारी दिनुभएको छ । सहकारीको कार्यालय परिसरमै भएको उद्घाटन कार्यक्रममा जिल्ला सहकारी संघ मकवानपुरका व्यवस्थापक गोविन्द दहाल, ग्रामीण महिला सेवा केन्द्र मकवानपुरकी सचिब अचला शर्मा, लेखा संयोजक सीता सापकोटाको पनि उपस्थिति रहेको थियो ।
