हेटौंडाः साल्ट ट्रेडिङ कर्पोरेसन लिमिटेडले आज मकवानपुर जिल्लाका सहकारीलाई युरिया मल वितरण गरिरहेको छ । सरकारी सहुलियत अनुदानको युरिया मल आज एक सय पाँच टन वितरण गर्न लागेको साल्ट ट्रेडिङ कर्पोरेसन हेटौंडाका प्रमुख शैलेश पाण्डेले जानकारी दिनुभएको छ ।
साल्ट ट्रेडिङले गएको शुक्रबार पनि एक सय पाँच टन मल वितरण गरेको थियो । आज साल्ट ट्रेडिङले हेटौंडा बजारका सहकारीलाई भने मल उपलब्ध गराएको छैन । नगरको ग्रामीणक्षेत्र र जिल्लाका गाउँपालिकाका सहकारीलाई मल वितरण गरेको साल्ट ट्रेडिङ कर्पोरेशन हेटौंडाका प्रमुख शैलेश पाण्डेले जानकारी दिनुभयो । अहिले वर्षे धानमा मल हाल्न समस्या भएको भन्दै देशभरका किसान चिन्तामा छन् ।
