अन्तर्राष्ट्रिय स्वयम्सेवी संस्था रेडक्रसका संस्थापक जाँ हेनरी ड्युना हुन् । हेनरी ड्युनाको जन्म सन् १८२८ मे ८ मा स्विट्जरल्यान्डको जेनेभामा भएको थियो । माता एन्टोनिटी ड्युना र पिता जिन्जाक्स ड्युनाका सन्तान थिए हेनरी । समाजसेवी, लेखक र उद्योगपति ड्युनाले विश्वमा युद्धबाट घाइते भएका सैनिकहरूका लागि उपचार सहयोग पु¥याउने उद्देश्यले पवित्र संस्था विश्व रेडक्रस संस्थाको स्थापना गरे । विश्व रेडक्रस संस्थाको स्थापना सन् १८६३ अक्टोबर २० मा भयो ।
हेनरी ड्युनाले युद्धहरूबाट घाइते भएका सैनिकहरूलाई मद्दत पु¥याउने उद्देश्यले स्थापना गरेका यस संस्थाले अन्य थुप्रै कामहरू पनि गर्ने गरेको छ । गरिब दुःखी मानिसहरूको आर्थिक अवस्थामा सहयोग, बाढी–पहिरो आगलागी दुर्घटनामा परेका पीडित व्यक्तिहरूको सहयोग गर्ने काम यस संस्थाले गर्दै आएको छ । हेनरी ड्युनाले देखेका युद्धहरूको बारेमा वर्णन गर्दै सेल्फेरिनोको स्मृति भन्ने पुस्तक पनि लेखेका छन् । हेनरी ड्युनाको पहलमा युद्धमा घाइते भएका सैनिकहरूको उद्दारका लागि विश्वका धेरै देशहरूमा रेडक्रस संस्थाको स्थापना भएको थियो । हालसम्म विश्वका १९७ वटा देशहरूमा रेडक्रस संस्था स्थापना भएको छ ।
विद्यालयस्तरमा समेत जुनियर रेडक्रस सर्कलको स्थापना गराएर रेडक्रसको सात आधारभूत सिद्धान्त मानवता, निष्पक्षता, तटस्थता, स्वाधीनता, स्वेच्छिक सेवा, एकता र विश्व व्यापकतालाई स्वास्थ्य, सरसफाई, खानेपानी, वृक्षरोपण लगायतका कामहरू गर्दै बढीभन्दा बढी स्वयम्सेवकहरू तयार गरी शान्ति स्थापनाको काम र जीवन रक्षाको काम गर्दै आइरहेको छ । विश्वमा पवित्र संस्थाको स्थापना गराएर मानव सेवाका लागि समर्पित भएका कारण हेनरी ड्युनालाई विश्व नोवेल शान्ति पुरस्कारले सम्मान गरिएको थियो । उनी नोबल शान्ति पुरस्कार पाउने स्विट्जरल्याण्डका पहिला व्यक्ति थिए ।
