हेटौंडाः त्रिभुवन राजपथ अन्तर्गत मकवानपुरको भीमफेदी–१, बाघझोरामा मोटरसाइकल दुर्घटना हुँदा एकजनाको मृत्यु भएको छ । मृत्यु हुनेमा भीमफेदी गाउँपालिका–६ का ३४ वर्षीय सुमिन लामा रहेको प्रदेश प्रहरी कार्यालय हेटौंडाले जानकारी दिएको छ ।
शुक्रबार भैँसेबाट हेटौँडा आउँदै गरेको ना १७ प २१८९ नम्बरको मोटरसाइकल आफैं अनियन्त्रित भई सडकबाट अन्दाजी १० मिटर तल खस्दा दुर्घटना भएको थियो । दुर्घटनामा घाइते भएका मोटरसाइकल चालक लामाको हेटौँडा अस्पतालमा उपचारको क्रममा शुक्रवार बेलुका ९ बजेर २५ मिनेटमा डाक्टरले मृत घोषणा गरेको प्रहरीले जनाएको छ ।
दुर्घटनामा मोटरसाइकल पछाडि बस्ने ३० वर्षीय रोमन बस्नेत घाइते भएका छन् । घाइते बस्नेतको बायाँ खुट्टा र च्यापुमा चोट लागेको र अवस्था सामान्य रहेको प्रहरी जानकारी दिएको छ । घाइते बस्नेतको हेटौँडा अस्पतालमा उपचार भइरहेको छ ।
