हेटौँडाः रामेछाप जिल्लाको दोरम्बा शैलुङ गाउँपालिका–१ मा भिरबाट लडेर एक जना वृद्धको मृत्यु भएको छ । मृत्यु हुनेमा राजभिरका ६२ वर्षीय नरबहादुर नेवार रहेको बागमती प्रदेश प्रहरी कार्यालय हेटौँडाले जानकारी दिएको छ ।
नरबहादुर शनिबार विवाह भोज खान गएका थिए । नरबहादुर रातीसम्म घर नआएपछि आफन्त र छरछिमेकीले खोजी गर्ने क्रममा आइतबार दिउँसो २ बजेको समयमा विवाह घर छेउमा रहेको भुत्ते भिरबाट १५० मिटर तल खसेर मृत अवस्थामा फेला परेको प्रहरीले जनाएको छ । मुचुल्का पश्चात शव पोष्टमार्टमका लागि मन्थली अस्पताल लगिएको छ ।
