हेटौँडाः बालमैत्री वडा घोषणा गरिएको हेटौँडा–४ मा माग्दै हिँडेका हेटौँडा उपमहानगरपालिकाको नगरप्रहरीले १८ जना बालबालिकालाई उद्दार गरेको छ । बिहिबार उद्दार गरिएका १५ बालक र ३ बालिकालाई सिविन बाल हेल्पलाईन हेटौँडामा राखिएको छ ।
उद्दार गरिएका बालबालिकाहरु बारा जिल्लाको जितपुर–सिमरा उपमहानगरपालिकाको अमलेखगंजस्थित बौद्ध गुम्बामा आश्रित भएको बुझिएको छ । बालबालिकालाई माग्ने काममा लगाएको भन्दै श्रम कार्यालय हेटौँडाले गुम्बालाई जरिवाना गराउने बताइएको छ । बालबालिकालाई उद्दार गरे लगत्तै श्रम कार्यालय, हेटौँडा उपमहानगरपालिका, सिविन बाल हेल्पलाईन हेटौँडा, प्रहरी प्रतिनिधिको सहभागितामा वैठक बसी आवश्यक कारवाहीको प्रक्रिया अगाडि बढाइने बताइएको छ ।
