हेटौंडाः हेटौँडा–१३, टुटेपानीस्थित उत्तम गुम्जाको गोठमा आगलागी हुँदा १० लाख रुपैयाँ बराबरको क्षति भएको छ । आइतबार साँझ ६ बजेर ३० मिनेटको समयमा गुम्जाको घरसँग जोडिएको जस्ता र काठले बनेको गोठमा अचानक आगलागी भएको बागमती प्रदेश प्रहरी कार्यालय हेटौंडाले जानकारी दिएको छ ।
आगलागीबाट गोठभित्र रहेको दुई वटा राँगाको अगाडि र पछाडिका खुट्टामा जली घाइते भएको छ । आगलागीमा १५ सय केजी मकै, सालको काठ ३५० क्युफिट, जस्तापाता १३५ थान जले नष्ट हुँदा ९ लाख ७० हजार रुपैयाँ बराबरको क्षति भएको प्रहरीले जनाएको छ । प्रहरी, स्थानीय र दमकलको सहयोगमा आइतबार राती ७ बजेर ३० मिनेटको समयमा आगलागी नियन्त्रणमा लिएको र मानवीय क्षति नभएको प्रहरीले जनाएको छ ।
