हेटौंडाः प्रधानमन्त्री शेर बहादुर देउवा नेतृत्वको गठनबन्धन सरकारले पेट्रोलियम पदार्थमा गरेको मुल्यबृद्दिको बिरुद्वमा अनेरास्ववियु क्याम्पस कमिटी, मकवानपुर बहुमुखी क्याम्पसले आज प्रधानमन्त्रीको पुत्ला दहन गरेको छ । एमाले निकट विद्यार्थी संगठनले आज प्रधानमन्त्रीको पुत्लाका साथै फोटो समेत जलाएका थिए ।
यसका साथै पेट्रोलियम पदार्थको मूल्य बढाएको विरोधमा नेकपा एमाले निकट अनेरास्ववियु मकवानपुरले शनिबार हेर्टौंडामा मसाल जुलुस प्रदर्शन गरेको छ । सरकारले पेट्रोल, डिजेल र मट्टितेलमा प्रतिलिटर तीन रुपैयाँ वृद्धि गरेको छ । खाना पकाउने एलपी ग्यासको मूल्य प्रतिसिलिन्डर ७५ रुपैयाँले बढाएर १५ सय ७५ रुपैयाँ पुर्या्इएको छ । बढेको मूल्यसँगै पेट्रोल लिटरको १३६ रुपैयाँ पुगेको छ भने डिजेल मट्टितेलको प्रतिलिटर ११९ रुपैयाँ पुगेको छ ।
